Gleðilegt sumar kæru bloggvinir,og takk fyrir veturinn,

Ekki byrjaði sumarið svosem vel hér hjá okkur búið að vera aska í loftinu ójjj,kemur um leið og alt þornar svo bara liggur þetta í loftinu ég fann það á öndunarfærunum mínum,vinkona mín kom hér áðan og sú var með skrælnaðar varir eftir þetta,smá regn og logn myndi laga þetta allt saman..

Annars er ég eins og venjulega tóm í hausnum og hef ekkert til að nöldra yfir...

Góða helgi elskurnar mínar

Enn eina ferðina er ég að fá nýja nágranna,spurning hvað hún verður lengi,ég er eiginlega komin á þá skoðun að ég sé ómögulegi nágranninn af því ég er alltaf með partý og spila músík í botni hahaha,og fyllirý á pallinum auðvitað geri ég það ef ég vil losna við liðið á efri hæðinni ekki spurning,tel mig meiga allt því ég er íbúðareigandi sko,en þetta er nú ekki alveg þannig,ég er nú bara fyrirmyndar nágranni hef allavega ekki heyrt annað,en aftur á móti......usss nei Gulla nú þegir þújamm best að vera ekkert að tjá sig um þetta meir..En allavega er hún Inga vinkona mín sem er búin að búa þarna síðan í haust að yfirgefa svæðið og meira en það hún fer af landi brott til Sverge....gott mál,að fól þori og geti flutt,ég bara held ég nenni ekki að standa í flutningum,eiginlega búin að fá nóg af því í gegnum tíðina,en nú þegar ég á mitt slot þá ætla ég nú bara að vera í því sæl og sátt við menn og málleysingja,alla nema þingmennina okkar,en ég hata að tala og skrifa um pólitík þannig að ég sleppi því sko bara.....

Hvað haldið þið með það,að það komi páskahret,ég er nefnilega kannski of bjartsýn með að vona það að það sé komið vor......öööö allavega vor í lofti og fuglarnir syngja hástöfum meira að segja í nótt heyrði ég fuglasöng.............Vorið er komið og fuglarnir syngja trallalalalal

Þetta er gott í dag góða helgi elskurnar mínar

Það sem ég vildi bara sagt hafa er GLEÐILEG JÓL,og hafið það gott kæru bloggvinir

Var búin að blogga fullt og setja inn myndir,en hvað gerðist,ha það veit ég ekki það hvarf bara allt,og er ég ekki að fíla svoleiðis,en sem betur fer er ég í þokkalega góðu skapi í dag og ætla mér að halda því áfram og ekki að láta einhvert tölvuapparat  eyðileggja  daginn fyrir mér ónei,ónei...Reyniviður skartar sínum fallegu haustlitum..Skrapp í Munaðarnes í síðustu viku,skoðai haustlitina,og rak augun í gamla skólann minn,þarna lærði ég að elda og hannyrðir ýmiskonar,Þetta er Varmaland..

Ætla að setja inn fl myndir og þá bara í albúm..

Veit ég veit ég er löt að tjá mig hér inni,en kannaski á það eftir að breytast hvur veit sjáum til með það..

Góðan daginn hér,humm sé það að ég hef ekkert verið að þvælast hér um sóðir síðan í humm ööö apríl og þá var skrímslið á fullu að spúa frá sér ógeði,og sem betur fer heldur hann kjafti núna og verður vonandi næstu 100 árin

Annars er nú bara allt gott að frétta úr sveitinni margt gerst og ýmislegt á daga mína drifið tja því er ekki að neita,en held nú samt að ég ætli nú ekkert sérstaklega að fara að telja það upp hér,en sumarið er að líða undir lok með sitt  annars frábæra veður,fannst stundum of heitt fyrir mig,líkar ekki mikill hiti og sól en það er bara ég

Ég  skrapp til Vestmanneyja um þjóðhátíðaina bara gaman að ferðast með Herjólfi núna,maður rétt nær að drekka einn kaffibolla,þjóðhátíðin var góð allir dagar nema sunnudagurinn allt of mikið af fólki ég var bara hálfpartin lost þarna fann engan og sá engan bara,en samt fann ég alltaf fólkið í hvíta tjaldinu sem vinafólk mitt var með,stoppaði rúma viku í eyjum finnst alltaf gott að komast til eyja og hitta vini mína þar..Og af því mér líður svo vel í margmenni eða hitt  þó,þá skoðaði ég menninganótt í fyrsta og örugglega síðasta skipti leist ekkert á þann mannfaganað,enda komin úr miðbænum fljótlega eftir miðnætti úff...Jæja nú verð ég að hætta þarf að ná í börn á leikskóla og skóladagheimili fyrir vinafólk mitt,

Hafið það gott ar til næst.. Á eftir að skifa meira sko

....Þessi er tekin frá Ægissíðu laugard.17/4.2010. það glampar vel á jökullinn.

Hérna á þessari sést askan sem er að læða sér yfir Eyfellinga ....Þangað til næst farið vel með ykkur 

Bless 

Ýmislegt hefur nú gerst í næsta nágrenni við mig þar á meðal fór Eyjafjallajökull að gjósa í allri sinni dýrð,og var fólk hálf bilað og vildi komast þarna upp hvernig sem færi..Ég lét og læt mér næja að sjá þetta úr fjarlægð og er það nú ekki verra,ég er trúlega með svo lítið hjarta að ég vil nú barahalda mig niður á sléttunni,en ég fór nú inn í fljótshlíð á sunnudaginn og þar var eins og á útihátíð..Þarna sést aðeins í eldin...Þessar myndir eru teknar beint á móti Húsadal og ef vel er að gáð sjást ljósin í húsunum þar...

Annars er nú bara allt í góðu hér hjá mérSet inn hérna skemmtilega mynd af vinkonu minni en við vinkonurnar skruppum í sveitaferð hér eina helgina og fórum í fjós,og var það mjög skemmtilegt,reyndar urðu sumar skelfingu lostnar haha og harðneituðu að fara inn og fá í sig fjósalykt en það tókst að koma öllum inn í ilmin að lokumÞær eru nú ansi fallegar þessarog voru alveg til í að japla aðeins á úlpunum okkar...

Ungur herramaður er hér stundum á föstudögum við eigum okkar daga saman og gerum eitthvað sniðugt þó aðalega spilum við,síðast sáðum við sumarblómum,og var hann ansi duglegur við það litli pjakkurinn hann frændi minnHér er verið að byggja,kastala

Hér er búið að vera leiðynda veður í nokkra daga kallt og mikið ryk það hefur verið erfitt að fara út það fyllast öll vit af ryki ójjj eins og það er nú skemmtilegt að sjá ekkert og briðja þennan óþerra 

Nú eru að koma stór fríhelgi páskar með allri sinni dýrð...

þetta er gott í dag....

Ég held að ég hafi týnt sjálfri mér haha það er eiginlega nokkuð ljóst,sá að ég hef ekkert bloggað síðan 1/11 og þá ætlaði ég að vera ofur dugleg og blogga daginn eftir,en í dag er komin 22 des alveg óskiljanlegt og jólin nálgast heldur betur,og áður en við vitum verður allt stressið liðið...Ég er búin að vera að passa kreppu-jólamarkað núna síðan um miðjan nóv,assgoti gott bara,það er víst næstum alveg sama hvar ég sit á daginn ,þetta var fínt svona fyrst alltaf að rápast fólk inn og ég hitti marga,en hitti fáa núna,það er svona einn og einn sem slægist þarna inn,það yrði kannski troðið ef ég myndi bjóða upp á snaps,þá myndi fólk kannski kaupa meira hoho,en þetta er að verða búið tveir dagar enn eða einn og hálfur...Svo er það nammi dagur á morgun eða er það ekki humm SKATAN,ætla að skreppa á Kanslaran með einhverjum hluta af fjölskyldunni og borða skötu,er reyndar búin að smakka hana núna nýlega Ætlið þið að borða skötu kæru bloggvinir ???

Gaddur Gríms er búin að koma sér fyrir núna,eða  heitir hann kannski kuldaboli,ekki er svosem frostið mikið bara þessi andsk,vindkæling.....

Smá grín í lokin

Búin að skrifa á alla pakkana,baka jólakortin og pakka inn smákökunum......Skál..

Kveð að sinni,Gulla bloggletingi

Er eiginlega ekkert með það á hreinu hvað ég ætla að bulla hér inn,hausin er auðitað tómur svosem ekkert nýtt haha,en ég er nú samt vön að geta skrifað smá en ekki núna,,,ætla að geyma þetta til morguns eins og sá lati hehe..............Jú ég verð hér á morgun!!!!!!!!!!!!! alveg satt,,,en ég er nú viss um að ykkur er slétt sama hvort ég blogga eitthvað hér á morgun eða ekki...

Sæl að sinni,sagði Gulla með sitt beyglaða minni

Er að hugsa núna hvað lengi enn verður þessi rigning,það er búið að rigna stanslaust eiginlega í hálfan mánuð ójjjj,allt orðið blautt og subbulegt,jú ég sé að það er að koma haust,sést best á trjánum allt að fjúka eða rigna niður,,ekki langar mér nú mikið í réttirnar á morgun ef það verður svona RIGNINGekki mikið gaman að því ónei.ónei..

Setti þessa mynd bara inn svona gamni...

En af mér er að frétta að ég er búin að vera hálf dauð úr aumingjaskap,ekkert gert,bara setið í mínu svitakófi hehe,en nú er ég búin að taka gleði mína á ný og búin að reka svitakófið á brott gekk ekki vel en tókst samt gef sjálfri mér rós í hnappagatið fyrir það,....

Nú ef ég geri ekkert í mínum málum hver gerir það þá ég bara spyr???

Jæja nóg af röfli..Hér eru réttir á morgun Reyðavatnsréttir,hugsa nú bara að ég fari ekki í sjálfar réttirnar,fer kannski frekar á réttarballið ef þannig liggur á mér,keyri fram hjá þessum réttum alla daga á ferð minni með matarbakkana,og ég er orðin hundleið á þessum vegi þarna uppeftir,ekkert nema holur sem eru auðvitað fullar af vatni,ef ég ætla að krækja framhjá einni holu lendi ég hundrað holum,þannig að þið getið ýmindað ykkur hvernig bíllinn minn lítur út hann á sko að vera rauður en er þokkalega vel brúnleitur púffff og til að kóróna þetta þá er ekkert ÞVOTTAPLAN á Hellu,það var tekið þegar þetta blessaða hringtorg var gert,næsta þvottaplan er á Hvolsvelli,eða þá á Selfossi,og þvílík heppni þá þarf ég að fara á Hvolsvöll í dag,ég get ekki sagt að mér hlakki til þeirra ferðar,er að fara að hitta konu hjá féló en hún er víst minn yfirmaður í liðveislunni,og er okkur búið að lenda saman allavega einu sinni og ég hef aldrei séð þessa konu,sem hakkar mig í sig eins og ekkert sé og sjálfsagðara,en það sauð uppúr hjá mér síðast,þess vegna er þessi fundur,gaman að vita hvort ég verð atvinnulaus eða ekki í dag...

Jæja læt þetta gott heita að sinni,,góða helgi allir sem einn..

É er aðeins búin að flakka út og suður en aðalega hér í kring,fór líka í 10 daga til eyja  alltaf mjög gaman að koma til eyja,svo voru leiðinleg töðugjöld hér fyrir hálfum mánuði,það er allavega mitt álit og fl....

set bara inn nokkrar heimildarmyndir af flakki mínu í sumar...Þetta er í fjölskferð í Miðdal,og þarna eru börn og fullornir að grilla sykurpúða,mikið fjör og miiiiikið gaman...Ég fór til eyja,og hvað haldið þið,var ekki Þjóðhátíð 5 dögum eftir komu mínaÉg rak augun í þessa óboðnu gesti sem voru búnir að koma sér vel fyrir í garðinum heima á æskustöðvunum,svo var minna bú annars-staðar,þeir fengu svefnin langa ekki alls fyrir löngu varð allavega að gerast áður en þeir yrðu árásargjarnir,þetta eru alveg mögnuð fyrirbæri þessi geitungabú,snildarverk!!!

Og hér er hann Simbi eyjakötturinn sæti og skemmtilegi,hann var alltaf með band sem hann dró út um allt til að reyna að fá fólk að leika við sig,og auðvitað lék ég mikið við þennan skemmtilega kött...Auðvitað var skroppið aðeins í Gaujulund að skoða alla dæyrðina þar....

Jæja nóg komið af myndum myndi ég segja..Er búin að vera í fríi í allt sumar,og er nú að spá og spekúlera í því að fara að byrja í liðveislunni aftur og er að hugsa um að skreppa með dömuna á blómstrandi daga í Hveragerði,það verður örugglega voðalega gaman ef það verður þá ekki rigning...

Læt þetta þá gott heita í dag,og hver veit nema ég fari að verað duglegri hér,ekki gott að segja

Hafið það gott allir

En hér er smá djókur fyrir ykkur kæru vinir

@->---

Hér koma nokkrir málshættir, eða með öðrum orðum. Útúrsnúningar og spaug:

-Betra er að ganga fram af fólki en björgum.
-Betra er að ráða menn með réttu ráði en ráðamenn.
-Léttara er að sóla sig en skó.
-Betri er einn fugl í sósu en tveir í frysti.
-Ekki er aðfangadagur án jóla
-Blankur er snauður maður.
-Lengi lifa gamlar hræður.
-Betra er langlífi en harðlífi.
-Sá hlær oft sem víða hlær.
-Margur sefur yfir sig sem vaknar ekki á réttum tíma.
-Rangt er alltaf rangt, það er rétt.
-Margur hefur farið flatt á hálum ís
-Sjaldan er góður matur of oft tugginn.
-Heima er best í hófi.
-Betri eru læti en ranglæti
-Betri er uppgangur en niðurgangur.
-Oft er virtur maður ekki virtur viðlits.
-Enginn veit sína kæfuna fyrr en öll er
-Betra er að standa á eigin fótum en annarra.
-Þegar neyðin er stærst er hjálpin fjærst.
-Oft er grafinn maður dáinn.
-Oft veldur lítill stóll þungum rassi.
-Oft er bankalán ólán í láni.
-Oft eru læknar með lífið í lúkunum.
-Frestaðu því ekki til morguns sem þú getur frestað lengur.
-Enginn verður óbarinn boxari.
-Oft er dvergurinn í lægð.
-Einsdæmi er að dæmigerðar dæmisögur séu dæmdar dæmalausar.
-Sjaldan fellur gengið langt frá krónunni.
-Illu er best ólokið.
-Fátt smátt gerir lítið eitt eða ekki neitt.
-Ekki dugar að drepast.
-Eitt sinn skal hver fæðast.
-Sjaldan fellur róninn langt frá flöskunni.
-Blindur er sjónlaus maður.
-Bændur eru bændum verstir og neytendum líka.
-Eftir höfðinu dansar limurinn.
-Flasa er skalla næst.
-Margur slökkviliðsmaðurinn er eldklár.
-Margur geispar golunni í blankalogni.
-Sjaldan fara sköllóttir í hár saman.
-Oft eru bílstjórar útkeyrðir.
-Betra er að vera sí-virðulegur en svívirðilegur.
-Margur fer yfir Strikið - í Kaupmannahöfn
-Oft fýkur í menn sem gera veður útaf öllu.
-Flestar gleðikonur hafa í sig og á.
-Fiskisagan flýgur en fiskimaðurinn lýgur.
-Oft láta bensínafgreiðslumenn dæluna ganga.
-Betra er að hlaupa í spik en kekki.
-Nakinn er klæðalaus maður.
-Margur miljónamæringurinn á ekki baun í bala - bara peninga.
-Sjaldan eiga fiskar fótum fjör að launa.
-Minkar eru bestu skinn.
-Margur nautabaninn sleppur fyrir horn.
-Betra er að drepa tímann en sjálfan sig.
-Betra er að ná áfanga en að ná fanga.
-Margur leggur "mat" á disk.
-Hungraður maður gerir sér mat úr öllu.
-Betra er að vera eltur en úreltur.
-Oft kemst magur maður í feitt.
-Oft eru lík fremur líkleg.
-Betra er áfengi en áfangi.
-Ei var hátíð fátíð í þátíð.
-Margur boxarinn á undir högg að sækja.
-Betri eru kynórar en tenórar.
-Betra er að sofa hjá en sitja hjá.
-Oft verða slökkviliðsmenn logandi hræddir.
-Til þess eru vítin að skora úr þeim.
-Oft fer bakarinn í köku, ef honum er gefið á snúðinn.
-Auðveldara er að fá leigt í miðbænum en guðanna bænum.
-Oft fara hommar á bak við menn.
-Oft eru dáin hjón lík.
-Hagstæðara er að borga með glöðu geði en peningum.
-Betra er að fara á kostum en taugum.
-Greidd skuld, glatað fé.
-Margri nunnu er "ábótavant".
-Margur bílstjórinn ofkeyrir sig.
-Oft hrekkur bruggarinn í kút.
-Margur bridsspilarinn lætur slag standa.
-Oft er lag engu lagi líkt.
-Oft svarar bakarinn snúðugt.
-Betri er utanför en útför.
-Margur fær sig fullsaddan af hungri.
-Það er gömul lumma að heitar lummur seljist eins og heitar lummur.
-Oft eru bílstjórar vel á veg komnir.
-Oft fara bændur út um þúfur.
-Víða er þvottur brotinn.
-Oft fer presturinn út í aðra sálma.
-Betra er að teyga sopann en teygja lopann
-Margur bóndinn dregur dilk á eftir sér.
------------------------------------------------------------------------------------------------------------------------------------------

Veit ekki hvort ég geti lofað því að fara að bæta mig hér en þetta kemur í ljós þegar sólin hættir að skína,þá verð ég kannski duglegri við það að sitja við tölvuna...

Hafið það gott

Jæja,jæja það er bara komin júni,og margt á daga mína svosem drifið það er ekki það alltaf nóg um að vera þar sem ég geng um ójá,ójá,meira að segja afrekaði það að verða ári eldri núna 1júní

Núna þessa daganna er ég í sprautumeðferð á hnénu,eins og mér kveið hrikalega fyrir í gær huhh,þá fann ég varla fyrir þessu,og já en í framhaldinu fer ég bara til heimilislæknis næstu skipti veit ekki hvort ég þarf nokkuð að kvíða því,held ekki

Var í henni Reykjavík í gær en gerði ekkert,ekki það að ég væri fúl á móti haha neinei ,var bara hjá dokksa,og var svosem ekkert í neinu stuði til að búðarápast geri það bara seinna því ég er að spá í að fara með hana Petu mína í liðveislu til Rvk á morgun,hef verið frekar löt að fara með hana til rvk,en núna skal það gerast,jájá..

Nú skýn sólin glatt sem aldrei fyrr,og er hún ég nú bara að hugsa um að setja niður bló (lykla) sem góð vinkona færði mér,þar að segja ef ég er ekki búin að drepa þá í pokanum uss,,hef verið löt í garðinum sem öðru eða öllu heldur hef ég ekki getað verið að skríða um hann hnéð hefur ekkert boðið uppá neitt svoleiðis sko en nú held ég að það sé að lagastfinn strax mun eftir þessa ferð mína í gær

ætla að reyna að setja inn myndir af gestum og gangandi sem duttu hér inn um hvítasunnuna en eitthvað gengur það illa ekkert nýtt svosem

jæja set bara inn albúm á eftir náttúrulega engin þolinmæði hérna megin....

Jæja ágætu bloggvinir vonandi njótið þið dagsins í dag,með sól í hjarta

..................................................................................................................................

Laufin eru að falla hér við landamærin.
Þótt nágrannar mínir séu verstu villimenn og þú sért í þúsund mílna fjarlægð.
Standa tveir bikarar alltaf á borði mínu....................
--------------------------------------------------------------------------------------------------------------------------------------
Ekki ganga á undan mér,
kannski fylgi ég þér ekki.
Ekki ganga á eftir mér,
kannski fer ég ekki á undan.
Gakktu við hlið mér,
og vertu bara vinur minn

Fann þetta þegar ég var að taka til í dag,maður finnur stundum ýmislegt...Svo er hér smá tilvitanir um vináttu.

Guð gaf okkur ættingja:Guði sé lof að við getum valið okkur vini.....
Versta einsemd er að eiga engan tryggan vin.....

Vinur í raun eru þeir sem þú getur hringt í kl 4 að nóttu.....

Sannur vinur er sá sem gengur inn þegar allir aðrir ganga út...

Læt þetta gott heita að sinni,læt meira úr bókinu góðu síðar,gott að grípa  til hennar þegar ekkert merkilegt er til að skrifa um......Hafið það gott.....

 Læt þetta þá bara gott heita í dag,ég veit ég er löt hér inni sem annars-staðar hoho en það verður bara að hafa sig:)